Эгер операцияны 115-ФЗнын негизинде жүргүзүүдөн баш тартышса, эмне кылуу керек?

Тобокелдиктерди минималдаштыруу жана кардарлардын кызыкчылыктарын коргоо максатында, Банк операцияларды 07.08.2001-ж. № 115-ФЗ «Кылмыш жолу менен алынган кирешелерди легалдаштырууга (адалдоого) жана терроризмди каржылоого каршы аракеттенүү жөнүндө» Федералдык мыйзамынын ченемдерине шайкештигин текшерет (мындан ары – «115-ФЗ Мыйзамы»).

115-ФЗ Мыйзамы төмөнкүлөрдү карайт:

• эгер операция шектүү операциялардын критерийлерине жооп берсе жана ачык экономикалык мааниге ээ болбосо, кредиттик уюмдун операцияны жүргүзүүдөн баш тартуу мүмкүнчүлүгүн,
• операцияны жүргүзүүдөн баш тартуу жөнүндө чечим кабыл алынган кредиттик уюмга баш тартуу жөнүндө чечим кабыл алууга негиздер жок экендиги тууралуу документтерди жана (же) маалыматтарды берүү менен Кардардын кайрылуу укугун.
  

Эгер Банк операцияны жүргүзүүдөн баш тартса, эмне кылуу керек:

Банкка баш тартуунун негиздерин жоюу жөнүндө Арызды тапшырыңыз (мындан ары – Арыз).

Арызга баш тартуу жөнүндө чечим кабыл алууга негиздер жок экендигин ырастаган документтерди жана/же маалыматтарды (тизме барактын төмөн жагында), ошондой эле Банктын кароосу үчүн мааниге ээ болгон башка бардык маалыматтарды тиркөө зарыл.

Банкка тапшыруу тартиби

Сиз Арызды документтер тиркелген кагаз түрүндө Банктын тейлөөчү бөлүмүнө  бере аласыз же Арыздын сканерленген көчүрмөсүн (документтердин скан-көчүрмөлөрү тиркелген) дистанциялык банктык тейлөө тутуму аркылуу жөнөтө аласыз (мындан ары – ДБО системасы).

Кароо мөөнөттөрү жана маалымдоо

Сиздин Арызыңыз Банкка берилген күндөн тартып 7 (жети) жумуш күнү ичинде каралат.

Кароо жыйынтыктары жөнүндө Сизге ДБО системасы аркылуу Билдирүү жөнөтүү жолу менен, ал эми ал жок болгон учурда – почта аркылуу маалымдалат.

Арызга талаптар

Арыз кагаз түрүндө таризделүүгө, Кардардын ыйгарым укуктуу өкүлүнүн кол тамгасын жана мөөрүн (бар болсо) камтууга тийиш.

Документтерге талаптар

Документтердин көчүрмөлөрү Кардардын ыйгарым укуктуу өкүлү тарабынан күбөлөндүрүлүүгө тийиш: документтерге «көчүрмө туура» деген белги коюлуп, фамилиясы, аты, атасынын аты көрсөтүлүп, ошондой эле өз колу менен коюлган кол тамга, күбөлөндүрүлгөн дата жана мөөрдүн изи (бар болсо) коюлушу керек.

Комплекстүү банктык тейлөө эрежелерине ылайык, төмөнкү жагдайлар аныкталганда Банк Арызды маңызы боюнча кароосуз калтырышы мүмкүн:

• Арыз Банкка белгиленген форма боюнча берилген эмес;
•  Арызды жана документтерди тариздөөгө коюлган талаптар сакталган эмес;
•  арыздын тексти окулбайт же арыздын маңызын аныктоого мүмкүндүк бербейт; 
• Арызга операцияны жүргүзүүдөн баш тартуу жөнүндө чечим кабыл алууга негиздер жок экендигин күбөлөндүрө ала турган документтер (маалыматтар) тиркелген эмес; 
• Кардар жөнүндө ишенимсиз маалыматтар аныкталган учурда; 
• Арызда одоно жана/же кемсинтүүчү сөздөр, Банктын кызматкерлеринин же башка адамдардын өмүрүнө, ден соолугуна, мүлкүнө карата коркутуулар болгон учурда;
• Арыз берилген күнгө карата Кардарга карата жана ошол эле арыз предмети боюнча мурда Банктын чечими бар болгон учурда.