Lizing nima?

Lizing — bu yuridik shaxslar va individual tadbirkorlarga avtotransport, maxsus texnika va uskunalarni aylanma mablag‘larni sezilarli darajada jalb qilmasdan xarid qilish imkonini beruvchi moliyaviy vositadir. Lizing moliyaviy ijarasiga yer uchastkalari, harbiy texnika, madaniy yodgorliklar, tabiiy obyektlar, oziq-ovqat mahsulotlari, qurilish materiallari va boshqa iste’mol qilinadigan buyumlarni olish mumkin emas. 

Yuridik shaxslar uchun lizing uch turga bo‘linadi:

• Moliyaviy lizingda shartnoma mulkning xizmat muddati bilan teng muddatga tuziladi.
• Operatsion lizingda shartnoma muddati predmetning xizmat muddatidan qisqaroq bo‘ladi. Kelishuv muddati yakunida lizing oluvchi mulkni sotib olishi yoki uni lizing beruvchida qoldirishi mumkin.
• Qaytarma lizingda mijoz o‘z mulkini lizing beruvchiga sotadi, so‘ngra undan ijarachi huquqida foydalanishda davom etadi.