Кредиттик карта дебеттик картадан эмнеси менен айырмаланат?

Кредиттик жана дебеттик картанын окшоштугу — алар менен сатып алууларды, анын ичинде интернет-дүкөндөрдө онлайн төлөмдөрдү жүргүзүүгө, картадан картага, өз эсептериңиздин ортосунда жана башка эсептерге которууларды жасоого, накталай акчаны алууга болот.  

Кредиттик карта дебеттик картадан айырмаланып, банктын акчасын пайдаланууга мүмкүндүк берет, ал эми дебеттик карта — өз каражаттарыңызды гана колдонууга. Мындан тышкары, кредиттик картада пайызсыз (жеңилдетилген) мезгил бар, бул учурда сиз банктын акчасын пайдаланып, ал үчүн пайыз төлөбөйсүз. 

Мында кредиттик карта айлык акы картасы катары колдонулбайт жана дебеттик картадан айырмаланып, кредитти төлөөнүн ыңгайлуу жолу үчүн аны кредит же ипотека эсебине байланыштырып коюуга болбойт. 

Сырткы көрүнүшү боюнча пластикалык карталар дизайн менен гана эмес, ошондой эле алдыңкы бетинде тиешелүүлүгүнө жараша DEBIT жана CREDIT деген сөздөрдүн жазылышы менен да айырмаланат.