Эквайринг комиссиясы неге байланысты?

Эквайринг қызметтері бойынша комиссия мөлшері бірқатар факторларға байланысты:

• Ұйым айналымына.
• Нүктелер санына.
• Қызмет түріне.

Эквайринг бойынша комиссия мыналардан тұрады:

• банкаралық комиссиядан (IRF);
• төлем жүйесінің пластикалық картаны пайдаланғаны үшін комиссиясынан;
• процессинг қызметтерінен;
• жабдыққа қызмет көрсетуден;
• жанама шығындардан және т. б.

Көп жағдайда эквайринг құны IRF-тен қалыптасады – оны эквайер-банк карта эмитенті банкіне төлейді. Банкаралық комиссия мөлшері мыналардан қалыптасады:

• Карта санатынан. Ол стандартты, алтын, платина және т. б. болуы мүмкін. Санаты неғұрлым жоғары болса, эквайринг үшін комиссия соғұрлым көп болады.
• ТСП (Саудагер санатының коды (MCC)) қызмет түрінен. Кәсіпорындардың әртүрлі санаттары үшін өз IRF мөлшерлемесі көзделген.
• Төлем тәсілінен. Картаның магниттік жолағын пайдаланып жасалатын төлемдер қымбатырақ, ал байланыссыз тәсілмен төлегенде пайыз төмен болады.