Кредиттик карта кредиттен эмнеси менен айырмаланат?

Жеке керектөө кредити менен кредиттик карта окшош, анткени банк кардарга ал сарптай ала турган белгилүү бир сумманы жактырат, мисалы, сатып алууларга.  

Кредиттик картанын негизги артыкчылыгы — бул пайызсыз (жеңилдетилген) кредиттөө мезгилинин болушу, анын жүрүшүндө сиз банктын акчасын кредиттик лимиттин чегинде пайдаланып, бул үчүн пайыз төлөбөйсүз. Жеке керектөө кредитинде пайыздар каражаттарды пайдалануунун биринчи күнүнөн тартып эсептелет.  

Дагы бир айырмасы — кредиттик карта боюнча киргизилген төлөмдөр кредиттик лимитти кайра калыбына келтирет жана бул акча кайрадан пайдаланууга жеткиликтүү болот. Жеке керектөө кредитинде төлөмдөр карыздын суммасын гана азайтат, ал эми кредиттик келишимдин мөөнөтү чектелген болот.