Кредиттік карта мен кредиттің айырмашылығы неде?

Тұтынушылық кредит пен кредиттік карта ұқсас, себебі банк клиентке белгілі бір соманы мақұлдайды, оны ол, мысалы, сатып алуларға жұмсай алады.

Кредиттік картаның басты артықшылығы – бұл пайызсыз (жеңілдікті) кредиттеу кезеңінің болуы, бұл кезде сіз банктің ақшасын кредит лимиті шегінде пайдаланып, ол үшін пайыз төлемейсіз. Тұтынушылық кредит бойынша пайыздар қаражатты пайдаланудың бірінші күнінен бастап есептеледі.

Тағы бір айырмашылығы мынада: кредиттік карта бойынша енгізілген төлемдер кредит лимитін қайта қалпына келтіреді және бұл қаражат қайтадан пайдалануға қолжетімді болады. Тұтынушылық кредит бойынша төлемдер тек берешек сомасын азайтады, ал кредит шартының қолданылу мерзімі шектеулі болады.